“Gropa që po u mbijton viteve (Foto)” plus 9 more Ferizaj Press |
- Gropa që po u mbijton viteve (Foto)
- Jetullah Sylejmani në garë për rezidencën dy mujore në New York
- Komuna e Ferizajt do të shtojë vëmendjen për buxhetim më të lartë gjinorë dhe vënie të grave në pozita udhëheqëse
- Këto fshartra dhe biznese nesër do tëkenë ndërprerje të rrymës
- Emergjenca e QKUK-së kërkon ndihmë nga stafi mjekësor i FSK-së
- Në gjashtëvjetorin e rënies nderohet Enver Zymberi
- E konfirmon Xhavit Haliti: Kadri Veseli do të jetë në krye të Kuvendit
- Pacolli nuk e di nëse ndonjë deputet nga AKR’ja do ta votojë PAN’in
- Insulina e dyshuar dërgohet për analizë në Zagreb
- Kolona të gjata në Merdarë e Vërmicë (Foto)
Gropa që po u mbijton viteve (Foto) Posted: 26 Jul 2017 06:45 AM PDT Ferizaj.26.07.2017. Në rrugën kryesore të qytetit (Ahmet Kaqiku) dhe në pjesën më të frekuentuar , afër Orchides dhe nënkalimit të hekurudhës gjendet një gorpë e hapur e cila me vite nuk u rregullua. Për çudi në këtë pjesë kalojnë të gjithë dhe askujt nuk i shkonë mendja se ashtu siç është mund teë paraqet rrezik e sidomos për fëmijët. Kur kësaj i shton se aty gjenden edhe dy parkingje të automjeteve këtë e bënë edhe më shumë çdokend që kalon të pyes ,pse kjo gropë nuk rregullohet. Shumë qytetarë kanë dërguar shkrime në Ferizajpress dhe shprehin habinë se deri sa shtrohen shumë kilometra rrugë me asfalt si ka mundësi që një pjesë aq e vogël të mos i bie në sy askujt. Nëse qeveria komunale është e zënë me projekte dhe punë më të mëdha si ka mundësi që dy parkingjet të cilat çdo ditë mu në atë pjesë nxjerrin me qindra euro të mos kujdesen për atë. Nëse jo të bëhet zgjidhje afatgjate së paku ta largojnë rrezikun nga ajo ropë që u rri para hundëve. Deri sa dikuj ti kujtohet se ajo mund të jetë rrezik për kalimtarët shpresojmë të mos pësoi askush.
|
Jetullah Sylejmani në garë për rezidencën dy mujore në New York Posted: 26 Jul 2017 06:12 AM PDT Juria ndërkombëtare e çmimit 'Artistët e së nesërmes' 2017, në përbërje Charles Esche, Erëmirë Krasniqi, Nataša Petrešin, Adrian Deva dhe Renaud Proch, ka zgjedhur tre finalistët e çmimit 'Artistët e së nesërmes' 2017 të cilët janë Jetullah Sylejmani, Meriton Maloku dhe Enesa Xheladini. Finalistët e çmimit "Artistët e së nesërmes" 2017 u përzgjedhen në një garë transparente dhe të hapur vjetore, që vlerësohej nga juritë e pavarura, pa nepotizëm dhe favorizim, por vetëm në bazë të shqyrtimit të portfolios së tyre artistike, arritjeve dhe ekspozitave të mëparshme dhe potencialit të demonstruar. Fituesi/ ja i/e çmimit "Artistët e së nesërmes" 2017 do të shpërblehet me qëndrim dy mujor në Nju Jork, SHBA, në programin rezidencial për artistë të Residency Unlimited (http://residencyunlimited.org/), gjatë periudhës prill / maj 2018, dhe ekspozitë personale në kuadër të programit vjetor të ekspozitave të Stacion – Qendra per Art Bashkëkohor Prishtinë të vitit 2018. Çmimi "Artistët e së nesërmes" është pjesë e programit të çmimeve për artistët e rinj pamor – YVAA (Young Visual Artists Awards) – që është një rrjet i dhjetë çmimeve të ngjashme nga Evropa Qendrore dhe Lindore, dhe i cili u themelua në vitin 1989 në Çekosllovaki nga Kryetari Vaclav Havel, Wendy Luers dhe artistët disidentë, që kishin për qëllim përkrahjen e ngritjes dhe zhvillimit të artit bashkëkohor dhe shoqërisë civile. Ky çmim i rëndësishëm i pavarur organizohet në bashkëpunim me Residency Unlimited (RU) në Nju Jork dhe mbështetet nga The Trust for Mutual Understanding në Nju Jork, Raiffeisen Bank Kosovë dhe Ambasada e SHBA në Kosovë Programi i qëndrimit rezidencial pranon vetëm një artist për secilin shtet, brenda një viti. Çmimi "Artistët e së nesermës" është një projekt unik që u ofron artistëve të arteve pamore mundësinë të krijojnë vepra të reja, të jenë pjesë e një procesi specifik edukativ, të kenë takime dhe prezentime për një juri ndërkombëtare, mundësi që të marrin pjesë një ekspozitë të përbashkët me finalistët e tjerë në Stacion – Qendrën për Art Bashëkohor Prishtinë, por edhe të udhëtojnë në Shtetet e Bashkuara të Amerikës dhe të përjetojnë dinamikën eskenës artistike të Nju Jork-ut, për dy muaj qëndimi në Residency Unlimited, dhe pas kthimit nga SHBA të kenë ekspozitë personale në Stacion- Qendra për Art Bashkëkohor në Prishtinë. Ky sukses për Jetullah Sylejmanin vie pas një sër suksesesh të një-pasnjëshme këtë vit siç janë:
Jetullah Sylejmani ka marrë pjesë në shumë ekspozita në Kosovë dhe jashtë vendit si SHBA, Francë, Itali, Kroaci. Maqedoni, Shqipëri.
|
Posted: 26 Jul 2017 06:01 AM PDT Një draft dokument i përgatitur nga drejtoria komunale për Buxhet dhe Financa për harxhimin e buxhetit në baza gjinore për femra i quajtur si buxhetimi i përgjegjshëm gjinor, ka treguar se gjatë vitit 2016 në komunën e Ferizajt është harxhuar buxhet në masë më të madhe për pagat e meshkujve në raport me pagat e grave. Ky raport tregon se mbi 72 përqind e buxhetit është harxhuar për punëtorët meshkuj e vetëm 27 përqind për femra pa u përfshirë punëtorët e sektorit shëndetësisë dhe të arsimit. Ndërsa me përfshirjen e tyre vërehen hapa pozitiv dhe përqindja rritet në favor të kënaqshëm për gratë dhe raporti qëndron 47. 34 buxhet i harruar për pagat e burrave dhe 52. 66 buxhet i harxhuar për gratë. Në takimin e organizuar nga organizata OSBE për këtë temë u lavdëra puna e bërë për një analizë të tillë nga punonjësit e komunës së Ferizajt, por u shfaq nevoja që gratë të avancohen edhe më tutje veçanërisht nëpër pozitat udhëheqëse për të pasur qaje më të barabartë edhe në buxhet. Kryetari i komunës së Ferizajt e çmoi lart këtë iniciativë për të parë pozitën e gruas dhe nevojat për ndryshime në këtë aspekt, ndërsa u zotua se përkrahja për gratë do të jetë edhe më e madhe dhe se do të shtojë kujdesin që ato të marrin sa më shumë pozita udhëheqëse. "Dokumenti në fjalë na tregon qartë se ne nuk jemi në nivelin që do të dëshironim sa i përket buxhetimit gjinor , prandaj do të rrisim vëmendjen që gratë të ketë sa më shumë hapësirë dhe kompetenca për vendim marrje. Të dhënat e prezantuara sot kanë treguar se komuna e Ferizajt ka bërë hapa mjaft pozitiv viteve të fundit edhe në dhënien e suvbvencioneve të ndryshme për gratë dhe kjo u konsiderua si një arritje dhe shtytje e mirë për këtë kategori. Të pranishmit në diskutimin për ndarje të buxhetit në baza gjinore shfaqën nevojën që gratë të jenë sa më aktive në kërkim të të drejtave të barabarta për punë , udhëheqje biznesi dhe nevoja të tjera që mund të kenë. Ndërsa u shfaq mendimi se barrierat e dikurshme po tejkalohen gradualisht me shkollimin e sa më shumë grave dhe përkrahjen institucionale të treguar së fundi.
|
Këto fshartra dhe biznese nesër do tëkenë ndërprerje të rrymës Posted: 26 Jul 2017 05:50 AM PDT Ferizaj.26.07.2017. KEDS peërmes një njoftimi ka bërë të ditur se për shkak të punimeve në rrjet disa fshatra dhe biznese të Ferizajt do teëë kenë ndërprerje të rrymës elektrike. Më 27.07.2017 në NS 110/10 kV Lipjan do të ndërprehet: Dalja 10kV Bablaku (Kodi: 41000001) prej orës 16:30 deri në orën 20:30 Gjatë kohës sa do të zgjasin punimet pa furnizim me energji elektrike do të mbesin: Kojska, Rubovci, Tërrni, Bablaku, Mirashi, Cërnilla, Surqina dhe konsumatorët komercialë të kësaj dalje 10kV. Arsyeja e ndërprerjes: ndërrimi i izolatorëve nga 6kV në izolatorë VHD-20. |
Emergjenca e QKUK-së kërkon ndihmë nga stafi mjekësor i FSK-së Posted: 26 Jul 2017 04:16 AM PDT Numri i pacientëve që kërkojnë ndihmë në këtë qendër brenda 24 orëve është rreth 300, ndërsa ka mungesë të madhe të infermierëve, tha për Radio Kosovën drejtori i kësaj qendre, Basri Lenjani. Në stinën e verës Qendra Emergjente e QKUK-së po përballet me fluks të shumtë të pacientëve që kërkojnë trajtim mjekësor. Drejtori i emergjencës, Basri Lenjani thotë se përveç mungesës së materialit shpenzues, shqetësues është fakti i mungesës së infermierëve, për çka edhe është kërkuar ndihmë nga Forca e Sigurisë së Kosovës. ''Kur fillojnë muajt e verës dhe me ardhjen e njerëzve tanë që punojnë në shtetet e perëndimit ky numër mund të arrijë përafërsisht deri në 300 brenda 24 orëve. Mirëpo, unë i kam kërkuar ndihmë Forcës së Sigurisë-Divizionit të Shëndetësisë dhe ata na i kanë dërguar disa infermierë të cilët do të na ndihmojnë dhe janë pa pagës, janë vullnetarë të paktën që deri në muaji shtator të bëjmë një zgjedhje afatgjate''. Drejtori i Shërbimit Spitalor Klinik Universitar të Kosovës, Curr Gjoci është në dijeni për këtë çështje, por siç thotë ai nuk është në kompetenca të SHSKUK-së ta zgjidhë këtë problem. |
Në gjashtëvjetorin e rënies nderohet Enver Zymberi Posted: 26 Jul 2017 04:11 AM PDT Zymberi ishte vrarë para gjashtë vjetësh në një aksion të policisë për të vënë nën kontroll pikat kufitare 1 dhe 31 në veri të Mitrovicës. Ish-presidentja e Kosovës Atifete Jahjaga e kishte shpallur hero të Kosovës, Enver Zymberin. |
E konfirmon Xhavit Haliti: Kadri Veseli do të jetë në krye të Kuvendit Posted: 26 Jul 2017 04:11 AM PDT Haliti pas regjistrimit shprehu bindjen se kreu i partisë që ai i takon, Kadri Veseli, do ta marrë postin e kreut të Kuvendit të Kosovës. Ndonëse ai u shpreh se zyrtarisht PDK ende nuk ka marrë asnjë emër se kush do të jetë kandidat për kryeparlamentar. Ai tha se kryetari i Kuvendit, kreu i PDK'së, do t'i ketë votat në votimin e parë. Tutje Haliti shprehu bindjen e tij se koalicion PAN do ta vendosë Veslin si kandidat për kryeparlmentar. "Zyrtarisht ne nuk kemi akoma asnjë emër. Por nga aspekti i përgjegjësisë në parti dhe koalicion, zotit Veseli i takon të jetë kryetar i Kuvendit. Askush nuk do ta mohojë një gjë të tillë. Unë po them se Veseli do të zgjedhjet. Nuk ka tjetër", ka thënë Haliti./GazetaExpress/ |
Pacolli nuk e di nëse ndonjë deputet nga AKR’ja do ta votojë PAN’in Posted: 26 Jul 2017 04:11 AM PDT I pyetur nëse ndonjë deputet e AKR-së do ta votojnë Haradinajn për kryeministër, Pacolli tha u përgjigj se nuk e di, duke shtuar se do t'i mbetet besnik koalicionit dhe do ta respektojë marrëveshjen me LDK'në. "Nuk e di. Asnjëherë s'kam tradhtuar dhe e kam të vështirë ta bëjë një gjë të tillë", ka thënë Pacolli.Behgjet Pacolli këtë deklaratë e dha pas regjistrimit si deputet, i cili ka filluar sot dhe do të zgjasë nesër dhe pasnesër, pas zgjedhjeve të 11 qershorit. /GazetaExpress/ |
Insulina e dyshuar dërgohet për analizë në Zagreb Posted: 26 Jul 2017 04:11 AM PDT Ministria e Shëndetësisë sqaron se procesi i kontraktimit të këtij bari ka shkuar në rrugë krejtësisht legale dhe ka kaluar nëpër të gjitha procedurat në përputhje me Ligjin për prokurim publik në Kosovë, sipas të cilit, asnjë operatori nuk mund t'i ndalohet e drejta e konkurrimit në treg për produkte të regjistruara në Agjensionin Kosovar për Pajisje dhe Produkte Mjekësore. MSH thotë se, "pas ngritjes së disa shqetësimeve nga disa endokrinologë, kryesisht në media, për siç konsiderojnë ata, efekte jo adekuate të produktit Gensulin, me kërkesë të Ministrit të Shëndetësisë, Inspektorati Farmaceutik, në bashkëpunim me Agjensionin Kosovar për Produkte dhe Pajisje Mjekësore (AKPPM), ka marrë disa ekzemplarë të Gensulin, të cilat i ka dërguar për analizë të kontrollit të cilësisë në Agjensionin për Barna dhe Pajisje Mjekësore "Halmed" në Zagreb të Kroacisë". Më tutje thuhet se përveç produktit, në këtë agjension kroat janë dërguar edhe Moduli 3 nga prodhuesi i Gensulin, Bioton (Poloni) që ka të bëjë me metodat analitike dhe validitetin e tyre si dhe substancat referente në sasi të mjaftueshme për të gjitha testet. "Së fundi, tash në muajin korrik, pas kontakteve dhe interesimeve të vazhdueshme rreth produktit, Agjensioni Kosovar për Produkte dhe Pajisje Medicinale (AKPPM) i ka dërguar Agjensionit HALMED edhe listën e plotë të gjithë parametrave nga certifikata e analizës së produktit Gensulin, për të cilët dëshiron të ketë rezultatin e analizës. Në ndërkohë, që MSH dhe AKPPM po presin që ta kenë rezultatin e kontrollit të cilësisë së produktit Gensulin nga një institucion kredibil për këtë çështje, i lut qytetarët që të kenë mirëkuptim për të pritur këtë rezultat, në varësi të së cilit edhe do të ndërmerren hapat e nevojshëm", thuhet në komunikatë.MSH thotë gjithashtu se e kupton ndjeshmërinë e kësaj çështje dhe reagimet subjektive që mund të paraqiten, ndërkohë që i siguron qytetarët se pas marrjes së rezultateve, në rast se konfirmohet që produkti nuk i ka përmbushur standardet e cilësisë, në emër të pacientëve do të kërkojë llogari dhe dëmshpërblim nga operatori, sikur që, do të kërkojë llogari edhe nga palët e tjera të përfshira në rast se vërtetohet e kundërta. Pa e paragjykuar rezultatin e analizës së cilësisë së produktit, MSh rithekson se interesi kryesor mbetet ruajtja dhe përparimi i shëndetit të pacientëve në çdo rrethanë. |
Kolona të gjata në Merdarë e Vërmicë (Foto) Posted: 26 Jul 2017 04:11 AM PDT Sipas të dhënave nga Qendra Kombëtare për Menaxhim Kufitar (QKMK), kolonë më e gjatë është në Merdarë deri në 600 metra, shkruan Indeksonline.Pritjet në këtë pikëkalim kufitar janë deri në 50 minuta për të hyr në Kosovë.Pas kësaj, kolonë ka edhe në Vërmicë deri në 50 metra, por që pritjet janë deri në 10 minuta më së shumti.Ndërkaq, në pikëkalimet tjera kufitare kolonat nuk ka dhe pritjet janë nga 2-3 minuta. |
You are subscribed to email updates from FerizajPress. To stop receiving these emails, you may unsubscribe now. | Email delivery powered by Google |
Google Inc., 1600 Amphitheatre Parkway, Mountain View, CA 94043, United States |
Lexo edhe: