Lajmi.net: “Motra e Afërditës ekspozon gjoksin e bujshëm (Foto)” plus 8 more

Motra e Afërditës ekspozon gjoksin e bujshëm (Foto)
Dashuria 60 milionë lekëshe e Barushit për Enertilën: Dyshek firmato, 3 qen, papagaj, kanarina
139 bursa për studente në Kosovë nga bizneset shqiptare në Gjermani
Mbi 1 milion e 890 mijë votues në zgjedhjet lokale
Puyol ‘nervozon’ Ronaldon me fjalët për Messin
Gigi Hadid mahnit në fustanin e bardhë (Foto)
Jep dorëheqje Sekretari i Shëndetësisë së SHBA-së
Dy dekada që nga demonstrata e studentëve të Prishtinës kundër regjimit të Millosheviqit
Problem i madh në Real Madrid, fajtor Asensio (FOTO)

Motra e Afërditës ekspozon gjoksin e bujshëm (Foto)

Posted: 30 Sep 2017 12:16 AM PDT

Këngëtarja dhe modelja Afërdita Dreshaj është shumë aktive në rrjete sociale.

Ajo publikon shpesh imazhe bashkë me të dashurin, por edhe me motrën e saj Jehonën, shkruan lajmi.net.

Së fundi, ajo ka postuar një video në të cilën shihet bashkë me të dashurin dhe motrën, ku derisa Afërdita duket se kishte të ftohtë, Jehona kishte ekspozuar gjoksin.

Në atë video, Jehona bënte lëvizje provokuese duken nxjerrë gjuhën, por padyshim që vëmendja ishte tek gjoksi i saj 'bombastik'. /Lajmi.net/

Dashuria 60 milionë lekëshe e Barushit për Enertilën: Dyshek firmato, 3 qen, papagaj, kanarina

Posted: 30 Sep 2017 12:08 AM PDT

Mashtrimi për martesë me foto false në facebook të ardhshme, por që në fund ka mbetur tërësisht i zhgënjyer. Nga verbëria e dashurisë dhe dëshira e madhe për të patur një nuse, Bajrush Ahmeti i ka plotësuar të gjitha dëshirat gruas virtuale, duke i blerë dyshek "Dormeo", tre qen, papagallë, pistë vrapimi, të gjitha mobiljet e shtëpisë, telefona dhe shumë materiale të tjera, deri tek unaza dhe orë flori, me vlerë 2 milionë lekë. Sot "Shqiptarja.com" zbardh të plotë vendimin e gjykatës së Durrësit ku tregohen me detaje e gjithë dinamika e mashtrimit.

Premtimi për martesë dhe mashtrimi në fund "Në datën 8 shator 2017, prokuroria Durrës, ka regjistruar procedimin e mësipërm penal pasi nga materialet e referuara nga Policia e Shtetit,ka rezultuar se në 22 gusht 2017 është paraqitur përpara oficerëve të policisë gjyqësore, shtetasi Bajrush Ahmati, punonjës i Postës Shqiptare Manzë, i cili kallëzon se për një periudhë dyvjeçare ka komunikuar me një shtetase që përdorte numrin celular 0665528XXX dhe 0688434XXX si dhe një adresë në facebook me emrin "Elona Gjoka", e cila pretendonte se do të lidheshin dhe më pas do të martoheshin së bashku. Kjo shtetase, në bashkëpunim me të tjerë, i kanë kërkuar dhe marrë me anën e mashtrimit dhe të kërcënimit, në kohë të ndryshme, shuma të ndryshme parash, sende me vlerë, pajisje shtëpiake, elektroshtëpiake etj.të cilat kapin një dëm prej rreth 6.000.000 lekësh". I mobiloi e shtëpinë bleu unaza 2 mln lekë "Në muajin mars të vitit 2015, e ka marrë në telefon një numër privat ku i ka dalë një zë femre që i ka thënë se "…të njoh ty, që punon ke posta e Manzës…".

Pas dy ditësh i kishte bërë ftesë një adresë në facebookun e tij me emrin Elona Gjoka. Ai e ka pranuar këtë adresë dhe ka vazhduar të komunikonte me të, ku ajo i ka thënë se ishte nga Manza dhe që jetonte në Itali me familjen e saj, por kishte ardhur me pushime në Manzë. Ajo e ka marrë në telefon me numrin 0665528XXX dhe 0688434XXX. Nga muaji shtator i vitit 2015, ajo i ka kërkuar një ndihmë që t'i blinte një palë divanë familjes së Myrteza Beqjas nga Manza dhe kallëzuesi i ka blerë në shumën 55.000 lekë dhe ia ka dërguar familjes së Myrteza Beqjas.

Në muajin nëntor të vitit 2015, ajo i ka kërkuar që t'i blinte tri dyer druri për familjen e Myrteza Beqjas dhe ai ka shkuar dhe i ka blerë te "Megatek", në shumën 34.000 lekë dhe i ka dërguar në shtëpi. Pas disa kohësh ajo i ka thënë për disa bizhuteri floriri për t'ia blerë me pretendimin se do të bënin fejesën rreth Vitit të Ri 2016 dhe ai i ka blerë dy unaza floriri në shumën rreth 30.000 lekë të reja dhe orë, varëse, vëthë floriri në shumën rreth 80.000 lekë të reja,të cilat i ka dërguar te shtëpia e Myrteza Beqjas. Gjatë komunikimeve nga muaji mars i vitit 2016, ajo i ka kërkuar që t'i blinte unaza floriri për familjen e tyre, Myrteza, Emine dhe Enertila Beqja.

Ai ka shkuar në Durrës, pranë argjendari "Kapedani", ku ka blerë dy unaza floriri, dy varëse dhe një orë në shumën rreth 200.000 lekë dhe ia ka dërguar te shtëpia e Myrteza Beqjas. Po gjatë kësaj periudhe, ajo i ka kërkuar që të blinte dhe gjëra të tjera si pllaka shtrimi, minibar, kundërbufe, perde, dhomë gjumi, tapete, tavolinë kuzhine së bashku me gjashtë karrige, dy krevate druri të vegjël, dyshekë "Dormeo", televizor i markës "Sony" dhe dy të markës "LG", aparat digitalb "HD", lavatriçe, frigorifer, një pistë vrapimi, 36 m2 parket laminat për shtresë dhe t'ia kompletonte të gjithë shtëpinë. Ai ka rënë dakord të shkonte në dyqane dhe në bazë të fotografive që ky ia ka dërguar në facebook, ato që i kanë pëlqyer i ka blerë dhe ia ka dërguar. Të gjithë artikujt kanë qenë në vlerën rreth 400.000 lekë të reja. I ble dhe tre qen kanarina e papagaj Po kështu ka blerë dhe ka dërguar te banesa e Myrteza Beqjas edhe tre qen, disa zogj kanarina dhe Papagaj, së bashku me kafazet, si dhe dy qengja, një këndore me kolltukë, një kolltuk tek, një tavolinë së bashku me karrige plastike që rrinë jashtë në verandë

Marrja e shumës prej 10 mijë euro Gjatë vitit 2016 shtetasja e paraqitur me emrin Elona i ka kërkuar shuma të ndryshme nga 200 deri në 1.000 euro, të cilat kallëzuesi Bajrush Ahmati ia ka dërguar te shtëpia e Myrteza Beqjas, shuma të cilat shkojnë rreth 10.000 euro. Më pas i ka kërkuar që t'i blinte sende shtëpiake të ndryshme si sobë drush, tuba shkarkimi, katër topa katroma për izolimin e shtëpisë, 30 metra linearë tub për kanalet e ujërave të zeza etj., të cilat ky i ka blerë dhe vlera e tyre ishte rreth 80.000 lekë dhe ia ka dërguar në shtëpinë e Myrteza Beqjas. Dy milionë lekë për djalin e sëmurë Më pas shtetasja e prezantuar me emrin Elona i ka kërkuar ndihmë për djalin e sëmurë të vëllait dhe kallëzuesi i ka dërguar rreth 200.000 lekë.

Elona i ka kërkuar që t'i blinte dy aparate telefoni Samsung dhe dy aparate telefoni "Iphone6" dhe "Iphone7+", si dhuratë për fejesë. Ky i ka blerë telefonat me një vlerë që shkonte rreth 360.000 lekë. Elona i ka kërkuar disa pajisje shtëpiake si enë kuzhine, lavastovilje, frigorifer, televizor si dhe disa pajisje për kozmetikë, ku vlera e tyre arrinte rreth 500.000 lekë dhe të gjitha këto i ka dërguar te shtëpia e Myrteza Beqjas. Dhënia e 6 mijë eurove Në muajin korrik të vitit 2017, me të dëmtuarin Bajrush ka komunikuar një bashkëpunëtor i shtetases së prezantuar me emrin Elona (që prezantohej si i ati), i cili i ka kërkuar një shumë prej 5.000 eurosh dhe ky ia ka dërguar te shtëpia e Myrteza Beqjas dhe pas disa ditësh ai i ka kërkuar edhe 1.000 euro të tjera, të cilat ia ka dërguar po te kjo shtëpi.

Gjatë korrikut të vitit 2017, ata i kanë kërkuar që të blinte një qen, një "Iphon 7+", disa kanarina, si dhe ushqim për to, një palë divane të tjera si dhe një motor për Myrteza Beqjan, për të cilin i ka dërguar edhe kopjen e kartës së identitetit. Të gjitha këto i ka blerë në shumën rreth 300.000 lekë të reja dhe ia ka dërguar te shtëpia e Myrteza Beqjas. Kthimi mbrapsht i 10 mln lekëve e kërcënimi me vrasje Gjatë muajit gusht 2017, ai ka kuptuar që shtetasja e prezantuar me emrin "Elona", e kishte mashtruar dhe ai i ka thënë asaj që kishte një problem te puna dhe i duheshin 100.000 lekë të reja. Nga ana e saj ajo i ka thënë që të shkonte e t'i merrte te shtëpia e Myrteza Beqjas. Ai ka shkuar te shtëpia e tij, pasi i ka rënë ziles ka dalë Emine Beqja me një zarf në dorë dhe brenda tij ishin 100.000 lekë të reja.

Të nesërmen ai ka komunikuar me të, ku i ka thënë se i duheshin 5.000 euro se kishte probleme te puna. Ajo i ka thënë se nuk kishte ku t'i merrte dhe se do t'ia niste për një mikun e tij ditën e shtunë, para dy javësh. Ka shkuar herë pas here te shtëpia e Myrteza Beqjas duke i pyetur se mos kishte ardhur një porosi. I është përgjigjur Emine Beqja që nuk kishte ardhur gjë dhe i ka thënë që të mos shkonte më te shtëpia se do ta vriste dhe duke i thënë gjithashtu se ajo nuk e dinte se kush e kishte mashtruar me këto muhabete. Ka shkuar përsëri ditën e shtunë, në datën 12 gusht 2017 te shtëpia e Myrteza Beqjas, për të kërkuar sërish se mos kishte ardhur një porosi.I është përgjigjur Myrteza Beqja se nuk kishte ardhur gjë. Kërcënimi, "…do të shihemi ndryshe bashkë…"

Ditën e hënë, në datën 14 gusht 2017 në mëngjes ka takuar Myrteza Beqjan, të cilin e ka marrë në makinë dhe e ka pyetur se kush është personi që e ka porositur për të sjellë gjërat te shtëpia e tij. Ai është përgjigjur se nuk dinte gjë se kush është ai person që e kishte mashtruar. Ai më pas ka zbritur nga makina dhe i ka thënë se "…do të shihemi ndryshe bashkë…" në formë kërcënimi. I dëmtuari Bajrush Ahmati, ka deklaruar se shumicën e këtyre sendeve deri ditën e fundit kur ka shkuar te banesa e Myrteza Beqjas i ka parë të vendosura aty si dhe që përdoren nga familja e tij. Ai deklaron se për shumicën e sendeve të blera disponon faturat e blerjes dhe është në gjendje t'i njohë sendet që ka blerë po t'i paraqiten për njohje.

Kontrolli i shtëpisë Në datën 20 shtator 2017 gjykata e Durrësit ka vendosur të autorizojë kontrollin e vendeve (banesës) së shtetasit Myrteza Besim Beqja, banues në fshatin Manëz, Durrës, për gjetjen dhe marrjen e provave materiale që lidhen me veprën penale objekt hetimi. Nga kontrolli i ushtruar në banesën e shtetasit Myrteza Beqja, i cili jetonte së bashku me të bijën Enertila Beqja, u gjetën dhe u sekuestruan një pjesë e mirë e provave materiale të cituara më lart,të tilla si: lavastovilje, frigorifer, televizor, motoçikletë, kolltukë, tavolinë, si dhe dy aparate celulare "IPhone" që i dispononte Enertila Beqja, të cilat janë njohur nga i dëmtuari Bajrush Ahmati.

Nga aktet e hetimeve paraprake rezulton se shtetasja Enertila Beqja, duhet të merret në përgjegjësi penale për veprën penale "Mashtrim". Vajza:Sendet mi blenë kushërinjtë, jam e lidhur me tjetër Enertila Beqja, vajza që dyshohet se mashtroi 30vjeçarin Brahush Ahmetaj me një profil të rremë në "Facebook" duke i marrë 6 mln lekë mallra, i është dhënë dje masa e sigurisë “Arrest me burg”.

Për mediat kanë folur edhe prindërit e vajzës duke deklaruar se ajo është e pafajshme. Enertila e mohon kategorikisht që të ketë lidhje virtuale me punonjësin e Postës, Brahush Ahmetaj duke pretenduar se faqja në rrjetin social "Facebook" nuk është e saja. "Faqja në facebook nuk është e imja. Sendet i kemi blerë me lekët e mija, në muajin gusht kanë ardhur kushërinjtë nga emigracioni dhe na kanë ndihmuar. Unë jam e lidhur me një djalë jashtë shtetit në Itali"ka thënë ajo në gjykatë. "Në polici nuk thash që jam shtatzënë, unë dyshoja për shtatzëni. Brahushin thjesh e kam parë në Manëz sepse merrnin lekët e kempit në postë. Unë në "Facebook" kam foto profili me mamin tim. Kërkoj nga gjykata të më lërë të lirë të qëndroj pranë nënës time se e kam të sëmurë. Jam e pafajshme"tregon Enertila. "Postieri më mbajti 20 mijë lekë nga pensioni" Vendimi i gjykatës është kundërshtuar edhe nga babai i vajzës, i cili e ka cilësuar vendimin të padrejtë, pasi nuk bazohet në asnjë provë. Ndërkohë e ëma që ishte e pranishme në sallën e gjyqit deklaroi, se postieri herë pas here i ka vjedhur lekët e pensionit, pasi në një rast i ka mbajtur 20 mijë lekë. "Vendimi është i padrejtë, i kërkoj shtetit drejtësi. Vajzën e kam të martuar me një tjetër"tregon babai i vajzës. I njëjti qëndrim është mbajtur edhe nga mamaja e vajzës, sipas së cilës Ahmetaj është vetëm postier dhe nuk ka lidhje me vajzën e saj.

“Vajza ime nuk ka lidhje me Brahush Ahmetaj, ai është postieri dhe më ka mbajtur 20 mijë lekë nga pensioni im. Pistën e vrapimit në shtëpi e përdor unë pasi jam e sëmurë"thotë e ëma. Ballafaqimi me 30vjeçarin Brahush Ahmetaj ka mbetur i befasuar kur ka parë Enertila Beqaj e vërtetë, në ambjentet e policisë së Durrësit. Ajo nuk kishte asnjë lloj ngjashmërie me vajzën në foton e profilit. Brahushi dhe Enertila janë përballur për herë të parë tre ditë të shkuara në mjediset e Drejtorisë së Policisë së Qarkut Durrës. Ajo ishte krejt tjetër nga ajo që kishte parë në foton e "FB".

Ahmetaj pa se kishte të bënte me një vajzë të thjeshtë fshati, larg vajzës së kopertinave. Kuptoi se gjithçka kishte blerë për të nuk kishte lidhje me vajzën bjonde me tipare latine që e bëri të ëndërronte 2 vjet rresht. Më pas policia i ka shoqëruar të dy për në banesën e vajzës në Manëz, ku ai ka marrë të gjitha dhuratat të paketuara dhe me procesverbal. Dhuratat dhe sendet e tjera ai do ti ketë në ruajtje derisa të përfundojë gjykimi i çështjes.

139 bursa për studente në Kosovë nga bizneset shqiptare në Gjermani

Posted: 30 Sep 2017 12:03 AM PDT

Ndarja e bursave mundësohet nga Unioni i Bizneseve Shqiptare në Gjermani. Kompanitë anëtare të Unionit kanë ndarë një fond të veçantë për programin e bursave me nga një bursë prej 100 euro në muaj, për një vit akademik. Këtë vit, numri i përfitueseve është rritur nga 100 në 139.

Sipas një njoftimi të OEGJK-së, për të ndihmuar studentet me kushte më të rënda sociale, inkurajuar studentet me nota më të larta dhe avancuar në përgjithësi pozitën e gruas në Kosovë Unioni i Bizneseve Shqiptare ne Gjermani dhe OEGJK nëpërmjet këtij projekti synojnë të përkrahin arsimimin e vajzave/grave dhe fuqizimin e tyre.

"Këto bursa u janë dhënë vajzave studente me notë mesatare gjatë studimeve mbi 8.00 dhe të cilat vijnë nga familje me kushte të vështira ekonomike. Përparësi në këto aplikime kanë pasur studentet që vijnë nga familje të kategorive të dala nga lufta. Oda Ekonomike Gjermano-Kosovare dhe Unioni i Bizneseve Shqiptare në Gjermani u urojnë suksese në studimeve fitueseve të bursave, por edhe aplikueseve tjera!

Ceremonia e ndarjes së bursave do të bëhet më 30 shtator nga ora 10.00 në sallën Mona, Ndërtesa Capital Gate (ndërtesa e Bankës Botërore/Deloitte) në Fushë Kosovë.

Mbi 1 milion e 890 mijë votues në zgjedhjet lokale

Posted: 30 Sep 2017 12:03 AM PDT

Valmir Elezi, zëdhënës në Komisionin Qendror të Zgjedhjeve tha për Express se lista përmban 1 milion e 890 mijë e 952 emra të votuesve.

Ndërkohë që partitë politike janë duke vazhduar me fushatën e tyre zgjedhore nëpër Komuna.

Fushata zyrtarisht kishte filluar më 21 shtator dhe zgjatë deri më 20 tetor. Kujtojmë se zgjedhjet lokale mbahen disa muaj pas atyre të jashtëzakonshme, të cilat erdhën si rezultat i rrëzimit të ‘Qeverisë Mustafa’ nga Parlamenti.

Puyol ‘nervozon’ Ronaldon me fjalët për Messin

Posted: 30 Sep 2017 12:01 AM PDT

Carles Puyol është takuar me Leo Messin.

Ish kapiteni i Barcelonës ka vetëm lëvdata për sulmuesin argjentinas.

Madje, Puyol ka thënë se Messi është futbollisti më i mirë në histori të futbollit, gjë që mund të mos pranohet mirë nga rivali i tij nga Real Madrid, Cristiano Ronaldo.

"Messi i ka fituar të gjitha, është më i miri në histori të futbollit", deklaroi Puyol për mediat spanjolle, përcjell "lajmi.net".

"Messi është në moshën më të mirë dhe mund të arrijë edhe më shumë", u shpreh ai. /Lajmi.net/

Gigi Hadid mahnit në fustanin e bardhë (Foto)

Posted: 29 Sep 2017 11:51 PM PDT

Ajo është pjesë e shumë eventeve të njohura botërore, ku merr gjithë vëmendjen, shkruan lajmi.net.

Së fundi, ajo u paraqit e veshur me një fustan të bardhë në të cilin dukej për mrekulli.

Fustani i gjatë i bardhë i zbulonte këmbët seksi të modeles, e cila këtë paraqitje e bëri në eventin e markës së njohur të aksesorëve "Messika jewellery". /Lajmi.net/

Jep dorëheqje Sekretari i Shëndetësisë së SHBA-së

Posted: 29 Sep 2017 11:44 PM PDT

Kjo për shkakun se ai ka përdorur aeroplanë të shtrenjtë privat për biznes zyrtarë, shkruan BBC.

Ai më parë kishte kërkuar falje pasi që kishte realizuar 26 fluturime që nga maji me një shumë të shpenzimit prej 400 mijë dollarë të taksapaguesve.

Zyrtarët shtetëror, përfshirë edhe ata që përballen me çëshjte të sigurisë kombëtare, kërkohet që të marrin fluturime komerciale të punës të lidhura me udhëtimet, transmeton lajmi.net.

Pas Price, janë edhe tre anëtarë të kabinetit të Trump që janë nën vëzhgim pas dyshohet se kanë përdorur aeroplanë privat derisa kanë punuar.

Dy dekada që nga demonstrata e studentëve të Prishtinës kundër regjimit të Millosheviqit

Posted: 29 Sep 2017 11:43 PM PDT

Ishte tetori i vitit 1997, kur studentët në krye me rektorin e atëhershëm Ejup Statovci u përballën me policinë serbe në rrugët e Prishtinës.

Ish-lideri i Lëvizjes Studentore, Bujar Dugolli, në 20-vjetorin e demonstratës së 1 tetorit 1997, ka thënë se kjo ngjarje duhet të zë vend meritor në historinë shqiptare.

Në një intervistë për gazetën "Epoka e re", ai ka vlerësuar se Lëvizja Studentore ka pasur rol historik në zhvillimet e përgjithshme në pavarësimin e Kosovës.

Dugolli shprehet se deri më tani shteti nuk e ka trajtuar si duhet këtë ngjarje, por shton se kur do të ketë më shumë argumente historike, institucionet do t'i japin rëndësi më të madhe Lëvizjes Studentore dhe protestës së '97-së e cila për të shënon fillimin e fundit të Serbisë në Kosovë dhe fillimin e çlirimit të Kosovës nga okupimi.

Problem i madh në Real Madrid, fajtor Asensio (FOTO)

Posted: 29 Sep 2017 11:42 PM PDT

Marco Asensio nënshkroi kontratë të re me Real Madridin deri në vitin 2023.

Por, marrëveshja e re e Asensios me kushte të përmirësuara financiare ka krijuar pakënaqësi në ekip.

"Don Balon" raporton se mesfushori Toni Kroos është i pakënaqur me ofertën e klubit për Asension, përcjell "lajmi.net".

Reperezentuesi gjerman menjëherë ka kërkuar që t'i rritet paga në mënyrë që mos te jëtë inferior nga ana financiare me 21 vjeçarin.

Kroos së fundmi spekulohej me largim nga Real Madrid pas interesimit nga disa klube nga Premierliga. /Lajmi.net/

Lexo edhe:

Rapitful Shqip

Search This Blog